PAGPUPURGA/ DEWORMING

Ang purga o deworming ay ang pagtatanggal ng bulate sa bituka ng tupa o kambing sa pamamagitan ng pagpapa-inom ng gamot. Ang mga bulate ay kumukuha ng nutrisyon na dapat ay para sa hayop na apektado. Nagdudulot ito ng pamamayat, pangit na balahibo at pagtatae ng tupa o kambing.

MGA GAMOT PAMPURGA

ALBENDAZOLE

- Gamot pampurga na mabisang pang-kontrol ang pagdami ng peste kagaya ng roundworm, lungworm, tapeworm at fluke (naninirahan sa atay) ng ating mga tupa at kambing.

FENBENDAZOLE

- Isa din itong uri ng pampurga na ligtas gamitin para sa mga buntis na tupa at kambing.

- Kung sa tingin ay buntis ang kambing o tupa mas mabuti na Fenbendazole ang gamitin dahil maari makunan ang inahin kapag Albendazole ang gagamitin na pampurga

DOSAGE:

1ml kada 10kilogram na timbang ng tupa o kambing.

SCHEDULE:

- Magpurga isang beses kada (3-4 weeks) o kaya sa unang linggo ng buwan.

REMINDERS:

- Kapag nagtatae ang tupa o kambing wag muna agad pupurgahin.

- Gamutin muna ang pagtatae gamit ang SMP 500 Antibacterial Tablet.

- Mabuting mag-inject ng CHEMSHOT LE (B-Complex with Liver Extract) pagkatapos magpurga ng tupa at kambing upang hindi mai-stress ang mga alaga.

MGA TUPA

Pangalan	Timbang	Dewormer	Dosage
Dorper	50kg	Albendazole	5ml
Puti	40kg	Fenbendazole	4ml
Dirty White	35kg	Fenbendazole	3.5ml
Hermie	30kg	Fenbendazole	3ml
Cowbell	30kg	Fenbendazole	3ml
Herbie	15kg	Albendazole	1.5ml
CowDuy	15kg	Albendazole	1.5ml

MGA KAMBING

Pangalan	Timbang	Dewormer	Dosage
Kopiko	30kg	Albendazole	3ml
Nescafe	25kg	Fenbendazole	2.5ml
Starbucks	30kg	Fenbendazole	2.5ml
Milky White	25kg	Fenbendazole	2.5ml
Mocha Brown	25kg	Fenbendazole	2.5ml
Blanca	25kg	Fenbendazole	2.5ml
Negra	5kg	Albendazole	0.5ml
Milo	5kg	Albendazole	0.5ml
Cocoa	5kg	Albendazole	0.5ml
Sullie	8kg	Albendazole	0.8ml
Nido	5kg	Albendazole	0.5ml
Balat	5kg	Albendazole	0.5ml

Note: Ang nakalistang timbang ay maaring magbago kung buntis

ang tupa o kambing, o kaya lumaki at nadagdagan na ang timbang

ng mga bisero (kid) o kordero (lamb).

APLIKASYON NG INJECTABLE VITAMINS AT SUPPLEMENTS

MGA VITAMINS

D.C.M

- Ang pagtuturok ng D.C.M ay makakatulong para hindi manghina ang alagang tupa o kambing dahil ito ay may ingredient na Dextrose Calcium at Magnesium.

REMINDERS:

- Mag-inject agad ng D.C.M kapag nakitang malambot o basa ang dumi ng tupa o kambing para maiwasan ang panghihina, kawalan ng gana kumain, hindi makatayo at dehydration.

- Durugin ang SMP 500 Antibacterial Tablet, timplahin sa isang baso ng tubig at ipainom gamit ang Oral Syringe upang gamutin ang diarrhea o pagtatae ng tupa o kambing.

- Kung bagong panganak ang inahing kambing, mag inject ng D.C.M tatlong araw matapos itong manganak para magkaroon ng malakas na supply ng gatas para sa batang kambing.

DOSAGE:

- 1ml kada 10kg na timbang ng alagang tupa o kambing ( AS NEEDED)

CHEMSHOT LE (Vitamin B-Complex with Liver Extract)

- Ang CHEMSHOT LE o Vitamin B-Complex with Liver Extract ay nakakatulong upang mapanatili ang magandang balahibo ng ating mga alagang Kambing at Tupa. Ito ay nagpapalakas din ng kanilang resistensya laban sa maraming sakit kagaya ng anemia dulot ng mga peste o bulati.

REMINDERS:

- Mag-inject ng CHEMSHOT LE pagkatapos magpurga o magdeworm

- Kapag may sipon, ubo o bukol na tumubo (kulani/pigsa) sa alagang tupa o kambing, mag-inject ng CHEMSHOT LE pagkatapos magturok ng OXYVET Antibacterial Solution.

- Ito ay katumbas din ng BELAMYL ngunit mas mura ng 50% ang presyo pero pareho din ng bisa.

DOSAGE:

- 1ml kada 10kg na timbang ng alagang tupa o kambing. (MONTHLY)

VITACHEM / DUFAVIT (Vitamin AD3E)

- Ang AD3E ay nakakatulong para sa magandang paglaki at pagpapalakas ng resistensya ng mga tupa at kambing. Ang buwanang pag-iinject nito ay upang masuportahan ang kakulangan sa Vitamin A, D3, at Vitamin E ng ating mga alagang tupa at kambing dulot ng pabago-bagong panahon, tuwing tag-ulan o kakulangan ng nutrisyon mula sa kinakain na damo.

- Vitamin A ( Retinoids para sa malinaw na mata)

- Vitamin D3 ( para sa malakas na buto at muscle at resistensya laban sa sakit)

- Vitamin E (para sa magandang metabolism at panlaban sa mga viruses at bakterya)

- Mapapanatiling malakas ang resistensya,

- Mabilis lumaki ang mga batang kambing

- Suporta at pagpapanatili ng fertility ng Barako at Inahin upang mabilis dumami ang mga tupa at kambing.

- Ang kakulangan sa AD3E ay nagdudulot ng pagkabansot ng mga alagang tupa o kambing dahil ito ay kailangan para maabsorb ng kanilang katawan ang Vitamin K at Calcium.

DOSAGE:

- 1ml kada 10kg na timbang ng tupa o kambing (MONTHLY)

Multivitamins + Amino Acids + Electrolytes

- Ito ay tinitimpla sa tubig para ipainom sa alagang tupa o kambing.

- Nakakatulong ito upang maiwasan ang dehydration at panghihina ng alagang tupa o kambing kapag sila ay nagtatae.

DOSAGE

- Prevention: 1 kutsarita sa 5 Galon ng Tubig, ipainom sa loob ng 3 to 5 araw

- Treatment: 1 kutsarita sa 2.5 Galon ng Tubig, ipainom sa loob ng 5 to 7 araw

Oxyvet (Oxytetracycline)

- Ang Oxyvet o Oxytetracycline ay nakakatulong na lunas laban sa maraming sakit ng ating alagang tupa o kambing, kagaya ng ubo at sipon (pag lumala ay pneumonia) influenza (flu o lagnat), pigsa (o kulani na biglang tumutubo sa leeg, bibig ng tupa o kambing), pagbubula ng bibig (dulot ng ORF virus), paglalagas ng balahibo (dulot ng peste o bulati), sumisirit o malubhang pagtatae (dysentery), nabubulok na paa (foot rot), gayundin sa mabilis na recovery at pag-galing ng mga bagong panganak na inahing kambing at tupa.

- Maaari din gawing alternate na gamot ang Chemject o Tylosin na gamot sa pagtatae at pneumonia ng mga tupa at kambing upang hindi maging immune ang mga bacteria sa palagiang pagiinject ng Oxytetracycline.

REMINDERS:

- May lagnat ang kambing kapag ang tenga nito ay malamig, iyak ng iyak at walang gana kumain. Ang kambing naman walang sakit ay mainit ang tainga at masigla at malakas kumain.

- Ang tupa na may sakit ay nahuhuli o naiiwan ng kawan, nakatulala at walang gana kumain. Dulot ng sobrang dehydration sila din ay mawawalan ng lakas na tumayo at nagiging sanhi ng kanilang pagkamatay.

DOSAGE:

- 1ml per 10kg na timbang ng tupa o kambing.

- I-inject every 2 days.

Halimbawa:

Naginject ng Oxyvet noong Monday ang susunod ay sa Wednesday na.

Obserbahan ang kalagayan ng tupa o kambing na may sakit.

Iron Dextran (Ferric Hydroxide Vitamin B12)

- Mag-inject ng Iron Dextran 3 araw pagkatapos manganak ang kambing o tupa upang makabawi sila sa nawalang dugo dulot ng panganganak. (5ml)

- Mag-inject din nito sa pagkatapos ng 3 araw sa mga bagong panganak na tupa o kambing gamit ang maliit na injection. (0.5ml)

SAAN MAKAKABILI NG MGA GAMOT NA ITO?

https://shopee.ph/mangkofsaydline

https://shopee.ph/vetgenchemical

https://shopee.ph/oneshopmore

Mga Herbal na Gamot para sa Tupa at Kambing

Oregano Oil

- Ang oregano oil ay maaring gamitin na alternatibong pampurga sa mga buntis na kambing at tupa kung naubusan na ng Fenbendazole na dewormer.

- Ito rin ay alternatibong coccidiostat (pag-control ng mga peste o bulati).

Oregano Leaves

- Ang pinakuluang dahon ng oregano ay mabisa ding gamot sa paos at may halak na tupa at kambing.

- Magpakulo ng tubig at ilagay ang dahon ng oregano, pigain ang katas ng dahon at ipainom ito sa alagang tupa at kambing sa loob ng 3 to 5 araw hanggang sa ito ay gumaling.

Turmeric o Luyang Dilaw

- Ang luyang dilaw ay maraming benepisyong dala hindi lang para sa mga tao kundi pati na din sa ating mga alagang kambing.

- Ito ay isa sa mga gamot na nakatulong noong nagtatae ng malubha ang alaga nating si Dorper.

- Kailangan mag-gadgad o gilingin ang luyang dilaw, pagkatapos ay pipigain ang katas at ito ay ipapainom sa alagang tupa o kambing gamit ang oral syringe.

- Kapag naubusan ng i-stock na gamot o parating pa lamang ang gamot na inorder maari itong gamitin upang maagapan ang bloating o pagka empatso, pamamaga ng bituka dulot ng diarrhea, at impeksyon dulot ng peste, o di kaya ay pagkalason sa nakaing damo.

MGA TUPA